TTAN TTAKUN IRRATIA 106.8 FM » Festak

TTAN TTAKUN FESTA 2012 – ARGAZKIAK

admin — Sat, 21 Jan 2012 19:30:15 +0000

Kaixo Ttan Ttakideak!!

Hemen ditugu aurtengo festa mundialetik pasa direnen argazki paregabeak! Eskerrik handienak eman behar dizkiogu Makoki-ri egindako lanarengatik! Hemendik gutxira taldeen argazkiak eta guzti!

Zabaldu

TTAN TTAKUN FESTA 2012 – KRONIKA

Nokono — Tue, 17 Jan 2012 21:16:20 +0000

Ziztu bizian pasa da aurten ere Ttan ttakun irratiko festa. Egia kulturetxeko Gazteszenan ospatzen dugu festa urtero, eta aurtengoa, berriro ere, arrakasta izan da. Pasa den urteko ilaran zain egotea gainditu eta aurten azkar lortu zuten denak beraien sarrera, modu honetan hasieratik izugarrizko giroa sortu zan, eta talde eta DJek zaletu gogotsuekin ekin zieten beraien txandei. Areto nagusian giro aparta eta areto txikian giro ezin hobea, gainera, erdiko barran, zuzeneko irratsaio eta tiketen gunean eta kalean erretzen ederki pasatzeko aukera zegoen ere.

Aurten ordu erdiz atzeratu genuen itxiera ordua eta 6:30-tarako festa bukatuta, baino denok (antolakuntzakoak, taldeak eta bisitariak) oso oso pozik. Bertan ateratako argazkiak, bideoak eta abar laister izango dituzue gure web orrian, bai eta gau osoan zehar zuzenean emititutako irratsaioaren grabazioa ere. Irrikitan gaude beste horren beste antolatzeaz lehen bait lehen, oraindik eta gehi, oraindi eta hobeto. Mila esker lan egin zuten guztiei, parte hartu zuten musikari guztiei, tekniko, sukaldari, kulturetxeko langile eta abarrei, eta noski bertaratu zineten guztiei, konturatu zaitezte, zuei esker atera zela festa primeran eta lortutako dirua guztiz beharrezkoa dugula TTAN TTAKUN irratian gure egitasmoarekin aurrera egiteko. Hurrengorarte!!!!!

Zabaldu

Ttan Ttakun festa 2012 aurreirratsaioa

admin — Sun, 08 Jan 2012 21:11:40 +0000

Hemen dugu Ttan Ttakun festa 2012aren aurkezpen irratsaioa. Parte hartuko duten taldeen deskribapenak eta abestiak entzuteko parada izango duzue irratsaio honetan. Festaren gorabehera eta zehaztasun guztiak jakin nahi ezkero, ez galdu irratsaioa! #ttnfesta2012

info+ hemen eta hemen

Zabaldu

Ttan Ttakun Festa 2012

admin — Fri, 30 Dec 2011 13:49:56 +0000

Urtero legez izugarrizko festa antolatu degu Egiako Gazteszena aretoan urte berriari hasera ona emateko!
Bi eszenatoki, taberna, zuzeneneko irrati emisioa, roperoa, musika barra-barra, photocall, txaskisak, jendea… eta batez ere: GIRO APARTA. 5€ren truke galdu ezin dezuten festa! Irratia laguntzeko aukera paregabea da baita ere, irratiak urtean zehar dituen behar ekonomikoak betetzeko daukagun diru sarrera nagusiena da festa hau.

Sartu festaren orrian informazio gehio ikusteko: http://ttanttakun.com/festa2012

#ttnfesta2012 traola erabiliko degu Twitterren, animatu!

Sarrerak 22:45tan jarriko dira salgai, mugatuak dira eta berehala bukatzen dira, beraz komenigarria da puntual izatea barrura sartu nahi izan ezkero! Gainera, ahal den eta justuen izateko, pertsona bakoitzak gehienez 2 sarrera erosi ditzake. Eta ez ahaztu lehen orduan ticketak 6X5 direla!

GALDU EZIN DEZUTEN FESTA IZANGO DA!

Zabaldu

TTAN TTAKUN FESTA MOGAMBON

Nokono — Tue, 01 Nov 2011 11:22:59 +0000

Dagoeneko gainean daukagu larunbateko festa, lana utzi ta animatuuuuuuuuuuuuuuuuuuuuuu!!!!

http://www.youtube.com/watch?v=_z6oN2W02Y4

http://www.youtube.com/watch?v=9g8KxKNNB5U

Zabaldu

TTAN TTAKUN FESTA MOGAMBO ARETOAN

Nokono — Thu, 27 Oct 2011 11:04:26 +0000

Azaroak 5 larunbata Trintxerpeko Mogambo aretoan Ttan Ttakun irratiak festa eder bat antolatu du. Hasteko The clash eta Speed taldeen bideo proiekzioak izango ditugu, ondoren kontzertuen txanda izango da Transistores 50, Bloodseekers eta Speed taldeekin. Lehenengoa rockabilly estiloan, bigarrenak Hondarribitik disko berria aurkezten eta hirugarrenak, Speed, Donostiako 80. hamarkadako punk taldearen itzulera suposatuko du. Kontzertuen ondoren DJ Nokono eta DJ Naturista arituko dira festa alaitzen asperturate. Animatu, gozatu eta ahal duzun guztia…

Zabaldu

ROTOTOM SUNSPLASH 2011 #9 (2011/08/27)

Babylonsutan — Mon, 29 Aug 2011 16:15:16 +0000

Kaixo jende!!

Rototom-en kronikak amaitzeko, etxetik bidaltzen dizuegu azkena. Nahiz eta gaur lo seko egin dugu, arraro xamar egin zaigu eguzkia buruan ez izatea goizean…Hau bai luxua!!

Onena zen festibaleko azken eguna: roots zale guztien garaia iritsi zen! Hasteko, kriston hitzaldi bat izan genuen arratsaldean: BUNNY LEE (jamaicar produktore mitikoa), JOHNNY CLARKE, MICHAEL PROPHET (abeslariak) eta JOHN MASSOURI (reggae kazetaria). Eztabaida interesgarria benetan!!

Azken egunetan bezala, hitzaldien gonbidatu bereziak Main Stage-n ere egon ziren. BRIGADIER JERRY toaster-arekin hasi ziren azken gauaren kontzertuak. “Jamaica Jamaica” edo “Jah Will Do It Again” bezalako klasikoak abestu zituen Briggy-k, Arawak italiar taldearekin “backing band” bezala.

Talde berri bat agertu zen hurrengo abeslariekin: DUB ASHANTE BAND. Esperientzi handia bat erakutsi zuen Londres-eko taldeak. Stepper batzuk jo ondoren, MICHAEL PROPHET atera zen. “Gunman”, “Love & Unity” eta beste klasiko batzuk abestu zuen Michaelek bitalidade eta alaitasunekin dantzatuz . Kontzertu edeRRa!!!

JOHNNY CLARKE eta HORACE ANDY hurrengoak izan ziren. Roots munduaren barruan pertsonai garrantzitsuak dira gizon hauek, eta haien profesionaltasuna erakutsi zuten jendetzaren aurrean. Errepertorio politak egin zituzten jamaicarrek. Adibidez, “African Roots”, “None Shall Escape The Judgement”, “Rock It Baby”, “King Of The arena”, “Roots Natty Roots” eta beste abesti ezagun batzuk eskeini zizkigun Johnny Clarkek, eta “Fever”, “Skylarking”, “Leave rastaman Alone”, “Every Tongue Shall Tell” edo “Spying Glasses” entzun genituen Horacioren txandan.

Zabaldu

ROTOTOM SUNSPLASH 2011 #8 (2011/08/26)

Babylonsutan — Sat, 27 Aug 2011 10:25:18 +0000

Kaixo adiskideak!! Jaialdiko azkeneko egunera nekez iritsi bagara ere, Benicassim-en egingo dugun azken kronika idaztera goaz, izerdi eta malkoen artean, hurrengoa etxean egingo dugu eta!!

JAH MACETAS taldearekin hasi genuen atzoko gaua. Diska berriaren abestiak aurkeztuz gain (“Maria”, “Dulce” edo Triana-ren “Tu frialdad”), betiko klasikoak ere jo zituzten valentziarrek (“Dime”, “Toda una vida”…). 1990ko “Toda una vida” diskaren kolaboratzailea izan zen Ingalaterrako Michael Campbell-ek ere abesti batean parte hartu zuen. Potato-rekin batera estatuko reggae-aren sustraien jatorri dira Jah Macetas-ekoak. Kontzertuaren ondoren elkarrizketa txiki eta dibertigarria egin genien eta horrela jakin genuen oso jende jatorra, irekia eta alaia direla 30 urtez oholtza gainean lanean ari diren talde eder hau.

Atzoko menuaren plater nagusietako bat LEE “SCRATCH” PERRY izan zen. Goraipatzekoa izan zen trompeta, baxua, teklatua eta korista emakumeak zirela. Betiko trapu distiratsuekin agertu zen Scratch eszenatokian. Hori bai glamourra!! Bere ile eta bizar arros foxforitoarekin Junior Byles-en “Curly Locks” edo bere “Soul Fire” abesti zoragarriak eskeini zizkigun gizon extrabagante honek.

Hau baina askoz hobe izan zen bigarren platerra: KEN BOOTHE rocksteady-aren izarra izan genuen zorionez!! Oso emozionatuta egon zen jamaicarra: aurtengo europako tour-aren barnean zazpigarren eta azken kontzertua izan zen. Genis Trani bartzelonar produktore eta musikariaren BLACK STARLINERS taldeak soinu bikaina jarri zuen. ROCKSTEADY TIME! Bere familia guztia oholtza gainera ekarri ondoren, BUNNY LEE bertara gonbidatu zuen!!!! Rototom-eko momenturik gorenenetakoa izan zen hura, eta gaur REGGAE UNIVERSITY-n egongo da!! Gozatu argazki errepikaezin honekin:

Juanita tabernan Roberto Sanchez eta Ambassah-ren selekzioa entzun ondoren, Dub Station gunera urbildu ginen, CHANNEL ONE sound system ikustera. Egunero bezala, egiazko roots reggae musikakin poztu ziguten selektoreek. Kasu honetan, Wailing Souls-en “Very Well” edo Burning Spear-en “Jah No Dead” bezalako abestiak entzun ziren, dj-aren hitz eta kantuen artean.

Amaitu aurretik, Jah Macetas taldeko Sergio Monleón eta Pere Andres-en jingle-ak uzten dizkizuegu hemen. Eta ez ahaztu elkarrizketa eta kronika guztiak Ttan Ttakun-eko “Babylon Sutan” eta Molotoff-eko “Kale Nagusiko Sound Sisterra” saioetan laister entzun ahal izango dituzuela. Eguin eder bat pasa!!! ROOTS & KULTURE!!!

Zabaldu

ROTOTOM SUNSPLASH 2011 #6 (2011/08/24)

Babylonsutan — Thu, 25 Aug 2011 10:02:03 +0000

Kaixo people!! Beroa egonda ere, zutik jarraitzen dugu Rototom-ean, eta beste kronika bat eskeintzen dizuegu. Gora Ttan Ttakun Radio Station!!

Atzokoan Josetxo Mintegi izan genuen REGGAE UNIVERSITY gunean. Bob Marley-ri buruz hitzaldi interesgarri bat eman ziguten Donostiako kazetariak eta beste lagunek: Jah Macetas taldearen sortzaile bat (Sergio Monleón), David Vilches (Sound system FM) eta Carlos Monty. Ekitaldiaren bukaeran, Josetxo-rekin tartetxo bat pasa genuen, eta laister Ttan Ttakun irratian izango dugula pensatzen dugu!! Hadi egon, Marley-ri buruz gauza asko ikasiko ditugu saio polit honetan.

Indarra bildu ondoren Kebap batean, TXILUM taldearen kontzertua ikusi genuen Lion Stage-n. Kataluniarrek diska dotore bat kaleratu dute 2011ean, “Cultura Accidental”, baina diskaren soinu ederrera hurbiltzea ez zuten lortu. Dena den, kontzertu entretenigarria izan zen:

AFRICA UNITE eta OJOS DE BRUJO taldeekin hasi zen Main Stage-en egitaraua. Kontzertu hauen ostean, KING CHANGO aka CAPLETON agertu zen eszenatokian, eta zorabiatu egin zen jendetza. Hau bai indarra!! Talde eta ahots berezi bat izan arren, PULL UP gehiegi erabiltzen dituela pentsatzen dugu (bost pa sei aldiz abesti bakoitzeko) eta horregatik hamar kaña hartzera korrika joan ginen emanaldiaren amaieran. Dakizuen bezala, hau mundu gogorra da ROOTS zaleentzat!!!!Nola ez, DUB STATION gunean amaitu genuen gaua. Kasu honetan, Ingalaterrako IRATION STEPPAS Sound System-a egon zen. Hara heltzean, Hugh Mundell mitikoaren “Jackeline” abestia entzuten zen. Lasaitu ederra hartu genuen!!! Gero Barry Brown, Dennis Brown…ORIGINAL ROOTS VIBES!!! Beti bezala, roots sendagaia aurkitu genuen bazter hontan. Atzokoan, MAKI BANTON dj-ak lagundu zien selektoreei:

Egun eder bat igaro, entzule maitiak!!! Ez galdu hurrengo kronikak. ROOTS & KULTURE!!

Zabaldu

ROTOTOM SUNSPLASH 2011 #5 (2011/08/23)

Babylonsutan — Wed, 24 Aug 2011 09:59:18 +0000

Esan bezala, kala eder batean pasa genuen atzoko eguna, horregatik deskonektaturik ibili ginen. Dena den, atzoko jardunaldia ez zen oso garrantzitsua, gure ustez, behintzat. Main Stage-n Marley familia egon zen jendetzaren aurrean: ZIGGY MARLEYren pop-reggae kontzertua nahiko kaskarra iruditu zaigu eta RITA MARLEY-k abesti bakar bat abestu zuen bere semearekin. Orduan, zergatik agertu zen egitarauan artista handi bat bezala? Geroago KY-MANY atera zen eszenatokira, “Roots Rock Reggae” abesti mitikoarekin hasiz. Nahiz eta aurrekoena baino kontzertu indartsuagoa egin, betiko huts klasikoa egin zuen: “Redemption Song” abestiarekin amaitu zuen emanaldia. Beti bezala. Nobedaderik ez.

Eskerrak DUB STATION-en kriston selekzioa gozatu genuela. ABA SHANTI I selektorea!!! ROOTS & KULTURE!!! Abyssinians-en “Declaration Of Rights” eta “Satta Massagana”, Dennis Brown-en “A cup of Tea” eta “Crerated By The Father”, Bob Marley-ren aukeraketa ezinhobea…Eta dudarik gabe goraipatzekoa Aba Shanti-ren bitalidadea etengabe dantzan egon bait zen. EMANALDI BIKAINA!!!! BIG UP DUB STATION!!!!

Beno ba, egun eder bat igaro, eta Bilboko Aste Nagusitik pasatzen bazarete, gure partez pixka bat dantzatu. Bihar arte entzule ta irakurle maiteak!!!

Zabaldu